וְאַל־תֵּלְכוּ אַחֲרֵי אֱלֹהִים אֲחֵרִים לְעָבְדָם וּלְהִשְׁתַּחֲוֹת לָהֶם
Your Language

     
The Shema
  
  
   Email address:
  



Answer our Survey question.


Join Shma_Israel
Join Shma_Israel

index_top_left
index_top_mid
index_top_right
 
 
 
 

Narrations of Psalms in Hebrew

מקראות תהילים בעברית

Shma-Israel is pleased to provide you with authentic narrations of Psalms in Hebrew, accompanied by original music compositions. These are high-quality audio recordings in mp3 format, suitable for recording onto Compact Disc. We believe strongly in the paradigm that everything belongs to Hashem and his word is not to be sold. If you feel that Elohim is leading you to support this ministry, we appreciate this and will humbly accept it to further the work of returning the hearts of Adonai's people to his Torah. But if not, please feel free to use these materials to enrich your walk with Elohim and to learn his heart of mercy, grace, longsuffering, justice, and judgement as portrayed through the Psalmists of ancient times.

Some of the Psalms are also available in a multimedia narration with a Shma-Israel translation from the original Hebrew. We hope that this will enrich your understanding of the Psalms.

 

 
     
 
  Psalm 1  
Download Audio  
View Original Hebrew

פרק א ללא ניקוד

א אשרי־האיש אשר לא הלך בעצת רשעים ובדרך חטאים לא עמד ובמושב לצים לא ישב: ב כי אם־בתורת יהוה חפצו ובתורתו יהגה יומם ולילה: ג והיה כעץ שתול על־פלגי מים אשר פריו יתן בעתו ועלהו לא יבול וכל אשר־יעשה יצליח: ד לא־כן הרשעים כי אם־כמץ אשר־תדפנו רוח: ה על־כן לא־יקמו רשעים במשפט וחטאים בעדת צדיקים: ו כי־יודע יהוה דרך צדיקים ודרך רשעים תאבד:

Text with Vowels

(If the text below does not display properly,
you probably need to install this font)

פרק א

א אַשְׁרֵי־הָאִישׁ אֲשֶׁר לֹא הָלַךְ בַּעֲצַת רְשָׁעִים וּבְדֶרֶךְ חַטָּאִים לֹא עָמָד וּבְמוֹשַׁב לֵצִים לֹא יָשָׁב: ב כִּי אִם־בְּתוֹרַת יְהֹוָה חֶפְצוֹ וּבְתוֹרָתוֹ יֶהְגֶּה יוֹמָם וָלָיְלָה: ג וְהָיָה כְּעֵץ שָׁתוּל עַל־פַּלְגֵי מָיִם אֲשֶׁר פִּרְיוֹ יִתֵּן בְּעִתּוֹ וְעָלֵהוּ לֹא יִבּוֹל וְכֹל אֲשֶׁר־יַעֲשֶׂה יַצְלִיחַ: ד לֹא־כֵן הָרְשָׁעִים כִּי אִם־כַּמֹּץ אֲשֶׁר־תִּדְּפֶנּוּ רוּחַ: ה עַל־כֵּן לֹא־יָקֻמוּ רְשָׁעִים בַּמִּשְׁפָּט וְחַטָּאִים בַּעֲדַת צַדִּיקִים: ו כִּי־יוֹדֵעַ יְהֹוָה דֶּרֶךְ צַדִּיקִים וְדֶרֶךְ רְשָׁעִים תֹּאבֵד:

 
     
 
     
 
  Psalm 2  
Download Audio  
View Original Hebrew

פרק ב ללא ניקוד

א למה רגשו גוים ולאמים יהגו־ריק: ב יתיצבו מלכי־ארץ ורוזנים נוסדו־יחד על־יהוה ועל־משיחו: ג ננתקה את־מוסרותימו ונשליכה ממנו עבתימו: ד יושב בשמים ישחק אדני ילעג־למו: ה אז ידבר אלימו באפו ובחרונו יבהלמו: ו ואני נסכתי מלכי על־ציון הר־קדשי: ז אספרה אל חק יהוה אמר אלי בני אתה אני היום ילדתיך: ח שאל ממני ואתנה גוים נחלתך ואחזתך אפסי־ארץ: ט תרעם בשבט ברזל ככלי יוצר תנפצם: י ועתה מלכים השכילו הוסרו שפטי ארץ: יא עבדו את־יהוה ביראה וגילו ברעדה: יב נשקו־בר פן־יאנף ותאבדו דרך כי־יבער כמעט אפו אשרי כל־חוסי בו:

Text with Vowels

(If the text below does not display properly,
you probably need to install this font)

פרק ב

א לָמָּה רָגְשׁוּ גוֹיִם וּלְאֻמִּים יֶהְגוּ־רִיק: ב יִתְיַצְּבוּ מַלְכֵי־אֶרֶץ וְרוֹזְנִים נוֹסְדוּ־יָחַד עַל־יְהֹוָה וְעַל־מְשִׁיחוֹ: ג נְנַתְּקָה אֶת־מוֹסְרוֹתֵימוֹ וְנַשְׁלִיכָה מִמֶּנּוּ עֲבֹתֵימוֹ: ד יוֹשֵׁב בַּשָּׁמַיִם יִשְׂחָק אֲדֹנָי יִלְעַג־לָמוֹ: ה אָז יְדַבֵּר אֵלֵימוֹ בְאַפּוֹ וּבַחֲרוֹנוֹ יְבַהֲלֵמוֹ: ו וַאֲנִי נָסַכְתִּי מַלְכִּי עַל־צִיּוֹן הַר־קָדְשִׁי: ז אֲסַפְּרָה אֶל חֹק יְהוָה אָמַר אֵלַי בְּנִי אַתָּה אֲנִי הַיּוֹם יְלִדְתִּיךָ: ח שְׁאַל מִמֶּנִּי וְאֶתְּנָה גוֹיִם נַחֲלָתֶךָ וַאֲחֻזָּתְךָ אַפְסֵי־אָרֶץ: ט תְּרֹעֵם בְּשֵׁבֶט בַּרְזֶל כִּכְלִי יוֹצֵר תְּנַפְּצֵם: י וְעַתָּה מְלָכִים הַשְׂכִּילוּ הִוָּסְרוּ שֹׁפְטֵי אָרֶץ: יא עִבְדוּ אֶת־יְהֹוָה בְּיִרְאָה וְגִילוּ בִּרְעָדָה: יב נַשְּׁקוּ־בַר פֶּן־יֶאֱנַף וְתֹאבְדוּ דֶרֶךְ כִּי־יִבְעַר כִּמְעַט אַפּוֹ אַשְׁרֵי כָּל־חוֹסֵי בוֹ:

 
     
 
     
 
  Psalm 3  
Download Audio  
View Original Hebrew

פרק ג ללא ניקוד

א מזמור לדוד בברחו מפני אבשלום בנו: ב יהוה מה־רבו צרי רבים קמים עלי: ג רבים אמרים לנפשי אין ישועתה לו באלהים סלה: ד ואתה יהוה מגן בעדי כבודי ומרים ראשי: ה קולי אל־יהוה אקרא ויענני מהר קדשו סלה: ו אני שכבתי ואישנה הקיצותי כי יהוה יסמכני: ז לא־אירא מרבבות עם אשר סביב שתו עלי: ח קומה יהוה הושיעני אלהי כי־הכית את־כל־איבי לחי שני רשעים שברת: ט ליהוה הישועה על־עמך ברכתך סלה:

Text with Vowels

(If the text below does not display properly,
you probably need to install this font)

פרק ג

א מִזְמוֹר לְדָוִד בְּבָרְחוֹ מִפְּנֵי אַבְשָׁלוֹם בְּנוֹ: ב יְהֹוָה מָה־רַבּוּ צָרָי רַבִּים קָמִים עָלָי: ג רַבִּים אֹמְרִים לְנַפְשִׁי אֵין יְשׁוּעָתָה לּוֹ בֵאלֹהִים סֶלָה: ד וְאַתָּה יְהֹוָה מָגֵן בַּעֲדִי כְּבוֹדִי וּמֵרִים רֹאשִׁי: ה קוֹלִי אֶל־יְהֹוָה אֶקְרָא וַיַּעֲנֵנִי מֵהַר קָדְשׁוֹ סֶלָה: ו אֲנִי שָׁכַבְתִּי וָאִישָׁנָה הֱקִיצוֹתִי כִּי יְהֹוָה יִסְמְכֵנִי: ז לֹא־אִירָא מֵרִבְבוֹת עָם אֲשֶׁר סָבִיב שָׁתוּ עָלָי: ח קוּמָה יְהֹוָה הוֹשִׁיעֵנִי אֱלֹהַי כִּי־הִכִּיתָ אֶת־כָּל־אֹיְבַי לֶחִי שִׁנֵּי רְשָׁעִים שִׁבַּרְתָּ: ט לַיהֹוָה הַיְשׁוּעָה עַל־עַמְּךָ בִרְכָתֶךָ סֶּלָה:

 
     
 
     
 
  Psalm 4  
Download Audio  
View Original Hebrew

פרק ד ללא ניקוד

א למנצח בנגינות מזמור לדוד: ב בקראי ענני אלהי צדקי בצר הרחבת לי חנני ושמע תפלתי: ג בני־איש עד־מה כבודי לכלמה תאהבון ריק תבקשו כזב סלה: ד ודעו כי־הפלה יהוה חסיד לו יהוה ישמע בקראי אליו: ה רגזו ואל־תחטאו אמרו בלבבכם על־משכבכם ודמו סלה: ו זבחו זבחי־צדק ובטחו אל־יהוה: ז רבים אמרים מי־יראנו טוב נסה־עלינו אור פניך יהוה: ח נתתה שמחה בלבי מעת דגנם ותירושם רבו: ט בשלום יחדו אשכבה ואישן כי־אתה יהוה לבדד לבטח תושיבני:

Text with Vowels

(If the text below does not display properly,
you probably need to install this font)

פרק ד

א לַמְנַצֵּחַ בִּנְגִינוֹת מִזְמוֹר לְדָוִד: ב בְּקָרְאִי עֲנֵנִי אֱלֹהֵי צִדְקִי בַּצָּר הִרְחַבְתָּ לִּי חָנֵּנִי וּשְׁמַע תְּפִלָּתִי: ג בְּנֵי־אִישׁ עַד־מֶה כְבוֹדִי לִכְלִמָּה תֶּאֱהָבוּן רִיק תְּבַקְשׁוּ כָזָב סֶלָה: ד וּדְעוּ כִּי־הִפְלָה יְהֹוָה חָסִיד לוֹ יְהֹוָה יִשְׁמַע בְּקָרְאִי אֵלָיו: ה רִגְזוּ וְאַל־תֶּחֱטָאוּ אִמְרוּ בִלְבַבְכֶם עַל־מִשְׁכַּבְכֶם וְדֹמּוּ סֶלָה: ו זִבְחוּ זִבְחֵי־צֶדֶק וּבִטְחוּ אֶל־יְהֹוָה: ז רַבִּים אֹמְרִים מִי־יַרְאֵנוּ טוֹב נְסָה־עָלֵינוּ אוֹר פָּנֶיךָ יְהֹוָה: ח נָתַתָּה שִׂמְחָה בְלִבִּי מֵעֵת דְּגָנָם וְתִירוֹשָׁם רָבּוּ: ט בְּשָׁלוֹם יַחְדָּו אֶשְׁכְּבָה וְאִישָׁן כִּי־אַתָּה יְהֹוָה לְבָדָד לָבֶטַח תּוֹשִׁיבֵנִי:

 
     
 
     
 
  Psalm 5  
Download Audio  
View Original Hebrew

פרק ה ללא ניקוד

א למנצח אל־הנחילות מזמור לדוד: ב אמרי האזינה יהוה בינה הגיגי: ג הקשיבה לקול שועי מלכי ואלהי כי־אליך אתפלל: ד יהוה בקר תשמע קולי בקר אערך־לך ואצפה: ה כי לא אל חפץ רשע אתה לא יגרך רע: ו לא־יתיצבו הוללים לנגד עיניך שנאת כל־פעלי און: ז תאבד דברי כזב איש־דמים ומרמה יתעב יהוה: ח ואני ברב חסדך אבוא ביתך אשתחוה אל־היכל קדשך ביראתך: ט יהוה נחני בצדקתך למען שוררי הושר [הישר] לפני דרכך: י כי אין בפיהו נכונה קרבם הוות קבר־פתוח גרונם לשונם יחליקון: יא האשימם אלהים יפלו ממעצותיהם ברב פשעיהם הדיחמו כי מרו בך: יב וישמחו כל־חוסי בך לעולם ירננו ותסך עלימו ויעלצו בך אהבי שמך: יג כי־אתה תברך צדיק יהוה כצנה רצון תעטרנו:

Text with Vowels

(If the text below does not display properly,
you probably need to install this font)

פרק ה

א לַמְנַצֵּחַ אֶל־הַנְּחִילוֹת מִזְמוֹר לְדָוִד: ב אֲמָרַי הַאֲזִינָה יְהֹוָה בִּינָה הֲגִיגִי: ג הַקְשִׁיבָה לְקוֹל שַׁוְעִי מַלְכִּי וֵאלֹהָי כִּי־אֵלֶיךָ אֶתְפַּלָּל: ד יְהוָה בֹּקֶר תִּשְׁמַע קוֹלִי בֹּקֶר אֶעֱרָךְ־לְךָ וַאֲצַפֶּה: ה כִּי לֹא אֵל חָפֵץ רֶשַׁע אָתָּה לֹא יְגֻרְךָ רָע: ו לֹא־יִתְיַצְּבוּ הוֹלְלִים לְנֶגֶד עֵינֶיךָ שָׂנֵאתָ כָּל־פֹּעֲלֵי אָוֶן: ז תְּאַבֵּד דֹּבְרֵי כָזָב אִישׁ־דָּמִים וּמִרְמָה יְתָעֵב יְהֹוָה: ח וַאֲנִי בְּרֹב חַסְדְּךָ אָבוֹא בֵיתֶךָ אֶשְׁתַּחֲוֶה אֶל־הֵיכַל קָדְשְׁךָ בְּיִרְאָתֶךָ: ט יְהֹוָה נְחֵנִי בְצִדְקָתֶךָ לְמַעַן שׁוֹרְרָי [הַוְשַׁר כ] (הַיְשַׁר ק) לְפָנַי דַּרְכֶּךָ: י כִּי אֵין בְּפִיהוּ נְכוֹנָה קִרְבָּם הַוּוֹת קֶבֶר־פָּתוּחַ גְּרוֹנָם לְשׁוֹנָם יַחֲלִיקוּן: יא הַאֲשִׁימֵם אֱלֹהִים יִפְּלוּ מִמֹּעֲצוֹתֵיהֶם בְּרֹב פִּשְׁעֵיהֶם הַדִּיחֵמוֹ כִּי מָרוּ בָךְ: יב וְיִשְׂמְחוּ כָל־חוֹסֵי בָךְ לְעוֹלָם יְרַנֵּנוּ וְתָסֵךְ עָלֵימוֹ וְיַעְלְצוּ בְךָ אֹהֲבֵי שְׁמֶךָ: יג כִּי־אַתָּה תְּבָרֵךְ צַדִּיק יְהֹוָה כַּצִּנָּה רָצוֹן תַּעְטְרֶנּוּ:

 
     
 
     
 
  Psalm 6  
Download Audio  
View Original Hebrew

פרק ו ללא ניקוד

א למנצח בנגינות על־השמינית מזמור לדוד: ב יהוה אל־באפך תוכיחני ואל־בחמתך תיסרני: ג חנני יהוה כי אמלל אני רפאני יהוה כי נבהלו עצמי: ד ונפשי נבהלה מאד ואת [ואתה] יהוה עד־מתי: ה שובה יהוה חלצה נפשי הושיעני למען חסדך: ו כי אין במות זכרך בשאול מי יודה־לך: ז יגעתי באנחתי אשחה בכל־לילה מטתי בדמעתי ערשי אמסה: ח עששה מכעס עיני עתקה בכל־צוררי: ט סורו ממני כל־פעלי און כי־שמע יהוה קול בכיי: י שמע יהוה תחנתי יהוה תפלתי יקח: יא יבשו ויבהלו מאד כל־איבי ישבו יבשו רגע:

Text with Vowels

(If the text below does not display properly,
you probably need to install this font)

פרק ו

א לַמְנַצֵּחַ בִּנְגִינוֹת עַל־הַשְּׁמִינִית מִזְמוֹר לְדָוִד: ב יְהוָה אַל־בְּאַפְּךָ תוֹכִיחֵנִי וְאַל־בַּחֲמָתְךָ תְיַסְּרֵנִי: ג חָנֵּנִי יְהֹוָה כִּי אֻמְלַל אָנִי רְפָאֵנִי יְהֹוָה כִּי נִבְהֲלוּ עֲצָמָי: ד וְנַפְשִׁי נִבְהֲלָה מְאֹד [וְאַתָּ כ] (וְאַתָּה ק) יְהֹוָה עַד־מָתָי: ה שׁוּבָה יְהֹוָה חַלְּצָה נַפְשִׁי הוֹשִׁיעֵנִי לְמַעַן חַסְדֶּךָ: ו כִּי אֵין בַּמָּוֶת זִכְרֶךָ בִּשְׁאוֹל מִי יוֹדֶה־לָּךְ: ז יָגַעְתִּי בְּאַנְחָתִי אַשְׂחֶה בְכָל־לַיְלָה מִטָּתִי בְּדִמְעָתִי עַרְשִׂי אַמְסֶה: ח עָשְׁשָׁה מִכַּעַס עֵינִי עָתְקָה בְּכָל־צוֹרְרָי: ט סוּרוּ מִמֶּנִּי כָּל־פֹּעֲלֵי אָוֶן כִּי־שָׁמַע יְהֹוָה קוֹל בִּכְיִי: י שָׁמַע יְהֹוָה תְּחִנָּתִי יְהֹוָה תְּפִלָּתִי יִקָּח: יא יֵבשׁוּ וְיִבָּהֲלוּ מְאֹד כָּל־אֹיְבָי יָשֻׁבוּ יֵבשׁוּ רָגַע:

 
     
 
     
 
  Psalm 7  
Download Audio  
View Original Hebrew

פרק ז ללא ניקוד

א שגיון לדוד אשר־שר ליהוה על־דברי־כוש בן־ימיני: ב יהוה אלהי בך חסיתי הושיעני מכל־רדפי והצילני: ג פן־יטרף כאריה נפשי פרק ואין מציל: ד יהוה אלהי אם־עשיתי זאת אם־יש־עול בכפי: ה אם־גמלתי שולמי רע ואחלצה צוררי ריקם: ו ירדף אויב נפשי וישג וירמס לארץ חיי וכבודי לעפר ישכן סלה: ז קומה יהוה באפך הנשא בעברות צוררי ועורה אלי משפט צוית: ח ועדת לאמים תסובבך ועליה למרום שובה: ט יהוה ידין עמים שפטני יהוה כצדקי וכתמי עלי: י יגמר־נא רע רשעים ותכונן צדיק ובחן לבות וכליות אלהים צדיק: יא מגני על־אלהים מושיע ישרי־לב: יב אלהים שופט צדיק ואל זעם בכל־יום: יג אם־לא ישוב חרבו ילטוש קשתו דרך ויכוננה: יד ולו הכין כלי־מות חציו לדלקים יפעל: טו הנה יחבל־און והרה עמל וילד שקר: טז בור כרה ויחפרהו ויפל בשחת יפעל: יז ישוב עמלו בראשו ועל־קדקדו חמסו ירד: יח אודה יהוה כצדקו ואזמרה שם־יהוה עליון:

Text with Vowels

(If the text below does not display properly,
you probably need to install this font)

פרק ז

א שִׁגָּיוֹן לְדָוִד אֲשֶׁר־שָׁר לַיהֹוָה עַל־דִּבְרֵי־כוּשׁ בֶּן־יְמִינִי: ב יְהֹוָה אֱלֹהַי בְּךָ חָסִיתִי הוֹשִׁיעֵנִי מִכָּל־רֹדְפַי וְהַצִּילֵנִי: ג פֶּן־יִטְרֹף כְּאַרְיֵה נַפְשִׁי פֹּרֵק וְאֵין מַצִּיל: ד יְהֹוָה אֱלֹהַי אִם־עָשִׂיתִי זֹאת אִם־יֶשׁ־עָוֶל בְּכַפָּי: ה אִם־גָּמַלְתִּי שׁוֹלְמִי רָע וָאֲחַלְּצָה צוֹרְרִי רֵיקָם: ו יִרַדֹּף אוֹיֵב נַפְשִׁי וְיַשֵּׂג וְיִרְמֹס לָאָרֶץ חַיָּי וּכְבוֹדִי לֶעָפָר יַשְׁכֵּן סֶלָה: ז קוּמָה יְהֹוָה בְּאַפֶּךָ הִנָּשֵׂא בְּעַבְרוֹת צוֹרְרָי וְעוּרָה אֵלַי מִשְׁפָּט צִוִּיתָ: ח וַעֲדַת לְאֻמִּים תְּסוֹבְבֶךָּ וְעָלֶיהָ לַמָּרוֹם שׁוּבָה: ט יְהֹוָה יָדִין עַמִּים שָׁפְטֵנִי יְהֹוָה כְּצִדְקִי וּכְתֻמִּי עָלָי: י יִגְמָר־נָא רַע רְשָׁעִים וּתְכוֹנֵן צַדִּיק וּבֹחֵן לִבּוֹת וּכְלָיוֹת אֱלֹהִים צַדִּיק: יא מָגִנִּי עַל־אֱלֹהִים מוֹשִׁיעַ יִשְׁרֵי־לֵב: יב אֱלֹהִים שׁוֹפֵט צַדִּיק וְאֵל זֹעֵם בְּכָל־יוֹם: יג אִם־לֹא יָשׁוּב חַרְבּוֹ יִלְטוֹשׁ קַשְׁתּוֹ דָרַךְ וַיְכוֹנְנֶהָ: יד וְלוֹ הֵכִין כְּלֵי־מָוֶת חִצָּיו לְדֹלְקִים יִפְעָל: טו הִנֵּה יְחַבֶּל־אָוֶן וְהָרָה עָמָל וְיָלַד שָׁקֶר: טז בּוֹר כָּרָה וַיַּחְפְּרֵהוּ וַיִּפֹּל בְּשַׁחַת יִפְעָל: יז יָשׁוּב עֲמָלוֹ בְרֹאשׁוֹ וְעַל־קָדְקֳדוֹ חֲמָסוֹ יֵרֵד: יח אוֹדֶה יְהֹוָה כְּצִדְקוֹ וַאֲזַמְּרָה שֵׁם־יְהֹוָה עֶלְיוֹן:

 
     
 
     
 
  Psalm 8  
Download Audio  
View Original Hebrew

פרק ח ללא ניקוד

א למנצח על־הגתית מזמור לדוד: ב יהוה אדנינו מה־אדיר שמך בכל־הארץ אשר־תנה הודך על־השמים: ג מפי עוללים וינקים יסדת עז למען צורריך להשבית אויב ומתנקם: ד כי־אראה שמיך מעשי אצבעתיך ירח וכוכבים אשר כוננתה: ה מה־אנוש כי־תזכרנו ובן־אדם כי תפקדנו: ו ותחסרהו מעט מאלהים וכבוד והדר תעטרהו: ז תמשילהו במעשי ידיך כל שתה תחת־רגליו: ח צנה ואלפים כלם וגם בהמות שדי: ט צפור שמים ודגי הים עבר ארחות ימים: י יהוה אדנינו מה־אדיר שמך בכל־הארץ:

Text with Vowels

(If the text below does not display properly,
you probably need to install this font)

פרק ח

א לַמְנַצֵּחַ עַל־הַגִּתִּית מִזְמוֹר לְדָוִד: ב יְהֹוָה אֲדֹנֵינוּ מָה־אַדִּיר שִׁמְךָ בְּכָל־הָאָרֶץ אֲשֶׁר־תְּנָה הוֹדְךָ עַל־הַשָּׁמָיִם: ג מִפִּי עוֹלְלִים וְיֹנְקִים יִסַּדְתָּ עֹז לְמַעַן צוֹרְרֶיךָ לְהַשְׁבִּית אוֹיֵב וּמִתְנַקֵּם: ד כִּי־אֶרְאֶה שָׁמֶיךָ מַעֲשֵׂי אֶצְבְּעֹתֶיךָ יָרֵחַ וְכוֹכָבִים אֲשֶׁר כּוֹנָנְתָּה: ה מָה־אֱנוֹשׁ כִּי־תִזְכְּרֶנּוּ וּבֶן־אָדָם כִּי תִפְקְדֶנּוּ: ו וַתְּחַסְּרֵהוּ מְּעַט מֵאֱלֹהִים וְכָבוֹד וְהָדָר תְּעַטְּרֵהוּ: ז תַּמְשִׁילֵהוּ בְּמַעֲשֵׂי יָדֶיךָ כֹּל שַׁתָּה תַחַת־רַגְלָיו: ח צֹנֶה וַאֲלָפִים כֻּלָּם וְגַם בַּהֲמוֹת שָׂדָי: ט צִפּוֹר שָׁמַיִם וּדְגֵי הַיָּם עֹבֵר אָרְחוֹת יַמִּים: י יְהֹוָה אֲדֹנֵינוּ מָה־אַדִּיר שִׁמְךָ בְּכָל־הָאָרֶץ:

 
     
 
     
 
  Psalm 9  
Download Audio  
Multimedia Version
View Original Hebrew

פרק ט ללא ניקוד

א למנצח עלמות לבן מזמור לדוד: ב אודה יהוה בכל־לבי אספרה כל־נפלאותיך: ג אשמחה ואעלצה בך אזמרה שמך עליון: ד בשוב־אויבי אחור יכשלו ויאבדו מפניך: ה כי־עשית משפטי ודיני ישבת לכסא שופט צדק: ו גערת גוים אבדת רשע שמם מחית לעולם ועד: ז האויב תמו חרבות לנצח וערים נתשת אבד זכרם המה: ח ויהוה לעולם ישב כונן למשפט כסאו: ט והוא ישפט־תבל בצדק ידין לאמים במישרים: י ויהי יהוה משגב לדך משגב לעתות בצרה: יא ויבטחו בך יודעי שמך כי לא־עזבת דרשיך יהוה: יב זמרו ליהוה ישב ציון הגידו בעמים עלילותיו: יג כי־דרש דמים אותם זכר לא־שכח צעקת עניים [ענוים]: יד חננני יהוה ראה עניי משנאי מרוממי משערי מות: טו למען אספרה כל־תהלתיך בשערי בת־ציון אגילה בישועתך: טז טבעו גוים בשחת עשו ברשת־זו טמנו נלכדה רגלם: יז נודע יהוה משפט עשה בפעל כפיו נוקש רשע הגיון סלה: יח ישובו רשעים לשאולה כל־גוים שכחי אלהים: יט כי לא לנצח ישכח אביון תקות ענוים [עניים] תאבד לעד: כ קומה יהוה אל־יעז אנוש ישפטו גוים על־פניך: כא שיתה יהוה מורה להם ידעו גוים אנוש המה סלה:

Text with Vowels

(If the text below does not display properly,
you probably need to install this font)

פרק ט

א לַמְנַצֵּחַ עַלְמוּת לַבֵּן מִזְמוֹר לְדָוִד: ב אוֹדֶה יְהֹוָה בְּכָל־לִבִּי אֲסַפְּרָה כָּל־נִפְלְאוֹתֶיךָ: ג אֶשְׂמְחָה וְאֶעֶלְצָה בָךְ אֲזַמְּרָה שִׁמְךָ עֶלְיוֹן: ד בְּשׁוּב־אוֹיְבַי אָחוֹר יִכָּשְׁלוּ וְיֹאבְדוּ מִפָּנֶיךָ: ה כִּי־עָשִׂיתָ מִשְׁפָּטִי וְדִינִי יָשַׁבְתָּ לְכִסֵּא שׁוֹפֵט צֶדֶק: ו גָּעַרְתָּ גוֹיִם אִבַּדְתָּ רָשָׁע שְׁמָם מָחִיתָ לְעוֹלָם וָעֶד: ז הָאוֹיֵב תַּמּוּ חֳרָבוֹת לָנֶצַח וְעָרִים נָתַשְׁתָּ אָבַד זִכְרָם הֵמָּה: ח וַיהֹוָה לְעוֹלָם יֵשֵׁב כּוֹנֵן לַמִּשְׁפָּט כִּסְאוֹ: ט וְהוּא יִשְׁפֹּט־תֵּבֵל בְּצֶדֶק יָדִין לְאֻמִּים בְּמֵישָׁרִים: י וִיהִי יְהֹוָה מִשְׂגָּב לַדָּךְ מִשְׂגָּב לְעִתּוֹת בַּצָּרָה: יא וְיִבְטְחוּ בְךָ יוֹדְעֵי שְׁמֶךָ כִּי לֹא־עָזַבְתָּ דֹרְשֶׁיךָ יְהֹוָה: יב זַמְּרוּ לַיהֹוָה ישֵׁב צִיּוֹן הַגִּידוּ בָעַמִּים עֲלִילוֹתָיו: יג כִּי־דֹרֵשׁ דָּמִים אוֹתָם זָכָר לֹא־שָׁכַח צַעֲקַת [עֲנָיִים כ] (עֲנָוִים ק): יד חָנְנֵנִי יְהֹוָה רְאֵה עָנְיִי מִשּׂנְאָי מְרוֹמְמִי מִשַּׁעֲרֵי מָוֶת: טו לְמַעַן אֲסַפְּרָה כָּל־תְּהִלָּתֶיךָ בְּשַׁעֲרֵי בַת־צִיּוֹן אָגִילָה בִּישׁוּעָתֶךָ: טז טָבְעוּ גוֹיִם בְּשַׁחַת עָשׂוּ בְּרֶשֶׁת־זוּ טָמָנוּ נִלְכְּדָה רַגְלָם: יז נוֹדַע יְהֹוָה מִשְׁפָּט עָשָׂה בְּפֹעַל כַּפָּיו נוֹקֵשׁ רָשָׁע הִגָּיוֹן סֶלָה: יח יָשׁוּבוּ רְשָׁעִים לִשְׁאוֹלָה כָּל־גּוֹיִם שְׁכֵחֵי אֱלֹהִים: יט כִּי לֹא לָנֶצַח יִשָּׁכַח אֶבְיוֹן תִּקְוַת [עֲנִויִּם כ] (עֲנִיִּים ק) תֹּאבַד לָעַד: כ קוּמָה יְהֹוָה אַל־יָעֹז אֱנוֹשׁ יִשָּׁפְטוּ גוֹיִם עַל־פָּנֶיךָ: כא שִׁיתָה יְהֹוָה מוֹרָה לָהֶם יֵדְעוּ גוֹיִם אֱנוֹשׁ הֵמָּה סֶּלָה:

 
     
 
     
 
  Psalm 10  
Download Audio  
View Original Hebrew

פרק י ללא ניקוד

א למה יהוה תעמד ברחוק תעלים לעתות בצרה: ב בגאות־רשע ידלק עני יתפשו במזמות זו חשבו: ג כי־הלל רשע על־תאות נפשו ובצע ברך נאץ יהוה: ד רשע כגבה אפו בל־ידרש אין אלהים כל־מזמותיו: ה יחילו דרכיו בכל־עת מרום משפטיך מנגדו כל־צורריו יפיח בהם: ו אמר בלבו בל־אמוט לדר ודר אשר לא־ברע: ז אלה פיהו מלא ומרמות ותך תחת לשונו עמל ואון: ח ישב במארב חצרים במסתרים יהרג נקי עיניו לחלכה יצפנו: ט יארב במסתר כאריה בסכה יארב לחטוף עני יחטף עני במשכו ברשתו: י ידכה ישח ונפל בעצומיו חיל כאים: יא אמר בלבו שכח אל הסתיר פניו בל־ראה לנצח: יב קומה יהוה אל נשא ידך אל־תשכח ענוים: יג על־מה נאץ רשע אלהים אמר בלבו לא תדרש: יד ראתה כי־אתה עמל וכעס תביט לתת בידך עליך יעזב חלכה יתום אתה היית עוזר: טו שבר זרוע רשע ורע תדרוש־רשעו בל־תמצא: טז יהוה מלך עולם ועד אבדו גוים מארצו: יז תאות ענוים שמעת יהוה תכין לבם תקשיב אזנך: יח לשפט יתום ודך בל־יוסיף עוד לערץ אנוש מן־הארץ:

Text with Vowels

(If the text below does not display properly,
you probably need to install this font)

פרק י

א לָמָה יְהֹוָה תַּעֲמֹד בְּרָחוֹק תַּעְלִים לְעִתּוֹת בַּצָּרָה: ב בְּגַאֲוַת־רָשָׁע יִדְלַק עָנִי יִתָּפְשׂוּ בִּמְזִמּוֹת זוּ חָשָׁבוּ: ג כִּי־הִלֵּל רָשָׁע עַל־תַּאֲוַת נַפְשׁוֹ וּבֹצֵעַ בֵּרֵךְ נִאֵץ יְהֹוָה: ד רָשָׁע כְּגֹבַהּ אַפּוֹ בַּל־יִדְרשׁ אֵין אֱלֹהִים כָּל־מְזִמּוֹתָיו: ה יָחִילוּ דְרָכָיו בְּכָל־עֵת מָרוֹם מִשְׁפָּטֶיךָ מִנֶּגְדּוֹ כָּל־צוֹרְרָיו יָפִיחַ בָּהֶם: ו אָמַר בְּלִבּוֹ בַּל־אֶמּוֹט לְדֹר וָדֹר אֲשֶׁר לֹא־בְרָע: ז אָלָה פִּיהוּ מָלֵא וּמִרְמוֹת וָתֹךְ תַּחַת לְשׁוֹנוֹ עָמָל וָאָוֶן: ח יֵשֵׁב בְּמַאְרַב חֲצֵרִים בַּמִּסְתָּרִים יַהֲרֹג נָקִי עֵינָיו לְחֵלְכָה יִצְפֹּנוּ: ט יֶאֱרֹב בַּמִּסְתָּר כְּאַרְיֵה בְסֻכֹּה יֶאֱרֹב לַחֲטוֹף עָנִי יַחְטֹף עָנִי בְּמָשְׁכוֹ בְרִשְׁתּוֹ: י  יִדְכֶּה יָשֹׁחַ וְנָפַל בַּעֲצוּמָיו חֵיל כָּאִים: יא אָמַר בְּלִבּוֹ שָׁכַח אֵל הִסְתִּיר פָּנָיו בַּל־רָאָה לָנֶצַח: יב קוּמָה יְהֹוָה אֵל נְשָׂא יָדֶךָ אַל־תִּשְׁכַּח עֲנָוִים: יג עַל־מֶה נִאֵץ רָשָׁע אֱלֹהִים אָמַר בְּלִבּוֹ לֹא תִּדְרשׁ: יד רָאִתָה כִּי־אַתָּה עָמָל וָכַעַס תַּבִּיט לָתֵת בְּיָדֶךָ עָלֶיךָ יַעֲזֹב חֵלֶכָה יָתוֹם אַתָּה הָיִיתָ עוֹזֵר: טו שְׁבֹר זְרוֹעַ רָשָׁע וָרָע תִּדְרוֹשׁ־רִשְׁעוֹ בַל־תִּמְצָא: טז יְהֹוָה מֶלֶךְ עוֹלָם וָעֶד אָבְדוּ גוֹיִם מֵאַרְצוֹ: יז תַּאֲוַת עֲנָוִים שָׁמַעְתָּ יְהֹוָה תָּכִין לִבָּם תַּקְשִׁיב אָזְנֶךָ: יח לִשְׁפֹּט יָתוֹם וָדָךְ בַּל־יוֹסִיף עוֹד לַעֲרֹץ אֱנוֹשׁ מִן־הָאָרֶץ:

 
     
 
     
 
  Psalm 11  
Download Audio  
View Original Hebrew

פרק ב ללא ניקוד

א למנצח לדוד ביהוה חסיתי איך תאמרו לנפשי נודי הרכם צפור: ב כי הנה הרשעים ידרכון קשת כוננו חצם על־יתר לירות במו־אפל לישרי־לב: ג כי־השתות יהרסון צדיק מה־פעל: ד יהוה בהיכל קדשו יהוה בשמים כסאו עיניו יחזו עפעפיו יבחנו בני אדם: ה יהוה צדיק יבחן ורשע ואהב חמס שנאה נפשו: ו ימטר על־רשעים פחים אש וגפרית ורוח זלעפות מנת כוסם: ז כי־צדיק יהוה צדקות אהב ישר יחזו פנימו:

Text with Vowels

(If the text below does not display properly,
you probably need to install this font)

פרק ג

א לַמְנַצֵּחַ לְדָוִד בַּיהֹוָה חָסִיתִי אֵיךְ תֹּאמְרוּ לְנַפְשִׁי נוּדִי הַרְכֶם צִפּוֹר: ב כִּי הִנֵּה הָרְשָׁעִים יִדְרְכוּן קֶשֶׁת כּוֹנְנוּ חִצָּם עַל־יֶתֶר לִירוֹת בְּמוֹ־אֹפֶל לְיִשְׁרֵי־לֵב: ג כִּי־הַשָּׁתוֹת יֵהָרֵסוּן צַדִּיק מַה־פָּעָל: ד יְהֹוָה בְּהֵיכַל קָדְשׁוֹ יְהֹוָה בַּשָּׁמַיִם כִּסְאוֹ עֵינָיו יֶחֱזוּ עַפְעַפָּיו יִבְחֲנוּ בְּנֵי אָדָם: ה יְהֹוָה צַדִּיק יִבְחָן וְרָשָׁע וְאֹהֵב חָמָס שָׂנְאָה נַפְשׁוֹ: ו יַמְטֵר עַל־רְשָׁעִים פַּחִים אֵשׁ וְגָפְרִית וְרוּחַ זִלְעָפוֹת מְנָת כּוֹסָם: ז כִּי־צַדִּיק יְהֹוָה צְדָקוֹת אָהֵב יָשָׁר יֶחֱזוּ פָנֵימוֹ:

 
     
 
     
 
  Psalm 13  
Download Audio  
View Original Hebrew

פרק יג ללא ניקוד

א למנצח מזמור לדוד: ב עד־אנה יהוה תשכחני נצח עד־אנה תסתיר את־פניך ממני: ג עד־אנה אשית עצות בנפשי יגון בלבבי יומם עד־אנה ירום איבי עלי: ד הביטה ענני יהוה אלהי האירה עיני פן־אישן המות: ה פן־יאמר איבי יכלתיו צרי יגילו כי אמוט: ו ואני בחסדך בטחתי יגל לבי בישועתך אשירה ליהוה כי גמל עלי:

Text with Vowels

(If the text below does not display properly,
you probably need to install this font)

פרק יג

א לַמְנַצֵּחַ מִזְמוֹר לְדָוִד: ב עַד־אָנָה יְהֹוָה תִּשְׁכָּחֵנִי נֶצַח עַד־אָנָה תַּסְתִּיר אֶת־פָּנֶיךָ מִמֶּנִּי: ג עַד־אָנָה אָשִׁית עֵצוֹת בְּנַפְשִׁי יָגוֹן בִּלְבָבִי יוֹמָם עַד־אָנָה יָרוּם אֹיְבִי עָלָי: ד הַבִּיטָה עֲנֵנִי יְהֹוָה אֱלֹהָי הָאִירָה עֵינַי פֶּן־אִישַׁן הַמָּוֶת: ה פֶּן־יֹאמַר אֹיְבִי יְכָלְתִּיו צָרַי יָגִילוּ כִּי אֶמּוֹט: ו וַאֲנִי בְּחַסְדְּךָ בָטַחְתִּי יָגֵל לִבִּי בִּישׁוּעָתֶךָ אָשִׁירָה לַיהֹוָה כִּי גָמַל עָלָי:

 
     
 
     
 
  Psalm 16  
Download Audio  
View Original Hebrew

פרק טז ללא ניקוד

א מכתם לדוד שמרני אל כי־חסיתי בך: ב אמרת ליהוה אדני אתה טובתי בל־עליך: ג לקדושים אשר־בארץ המה ואדירי כל־חפצי־בם: ד ירבו עצבותם אחר מהרו בל־אסיך נסכיהם מדם ובל־אשא את־שמותם על־שפתי: ה יהוה מנת־חלקי וכוסי אתה תומיך גורלי: ו חבלים נפלו־לי בנעמים אף־נחלת שפרה עלי: ז אברך את־יהוה אשר יעצני אף־לילות יסרוני כליותי: ח שויתי יהוה לנגדי תמיד כי מימיני בל־אמוט: ט לכן שמח לבי ויגל כבודי אף־בשרי ישכן לבטח: י כי לא־תעזב נפשי לשאול לא־תתן חסידך לראות שחת: יא תודיעני ארח חיים שבע שמחות את־פניך נעמות בימינך נצח:

Text with Vowels

(If the text below does not display properly,
you probably need to install this font)

פרק טז

א מִכְתָּם לְדָוִד שָׁמְרֵנִי אֵל כִּי־חָסִיתִי בָךְ: ב אָמַרְתְּ לַיהֹוָה אֲדֹנָי אָתָּה טוֹבָתִי בַּל־עָלֶיךָ: ג לִקְדוֹשִׁים אֲשֶׁר־בָּאָרֶץ הֵמָּה וְאַדִּירֵי כָּל־חֶפְצִי־בָם: ד יִרְבּוּ עַצְּבוֹתָם אַחֵר מָהָרוּ בַּל־אַסִּיךְ נִסְכֵּיהֶם מִדָּם וּבַל־אֶשָּׂא אֶת־שְׁמוֹתָם עַל־שְׂפָתָי: ה יְהוָה מְנָת־חֶלְקִי וְכוֹסִי אַתָּה תּוֹמִיךְ גּוֹרָלִי: ו חֲבָלִים נָפְלוּ־לִי בַּנְּעִמִים אַף־נַחֲלָת שָׁפְרָה עָלָי: ז אֲבָרֵךְ אֶת־יְהֹוָה אֲשֶׁר יְעָצָנִי אַף־לֵילוֹת יִסְּרוּנִי כִלְיוֹתָי: ח שִׁוִּיתִי יְהֹוָה לְנֶגְדִּי תָמִיד כִּי מִימִינִי בַּל־אֶמּוֹט: ט לָכֵן שָׂמַח לִבִּי וַיָּגֶל כְּבוֹדִי אַף־בְּשָׂרִי יִשְׁכֹּן לָבֶטַח: י כִּי לֹא־תַעֲזֹב נַפְשִׁי לִשְׁאוֹל לֹא־תִתֵּן חֲסִידְךָ לִרְאוֹת שָׁחַת: יא תוֹדִיעֵנִי אֹרַח חַיִּים שׂבַע שְׂמָחוֹת אֶת־פָּנֶיךָ נְעִמוֹת בִּימִינְךָ נֶצַח:

 
     
 
     
 
  Psalm 23  
Download Audio  
View Original Hebrew

פרק כג ללא ניקוד

א מזמור לדוד יהוה רעי לא אחסר: ב בנאות דשא ירביצני על־מי מנחות ינהלני: ג נפשי ישובב ינחני במעגלי־צדק למען שמו: ד גם כי־אלך בגיא צלמות לא־אירא רע כי־אתה עמדי שבטך ומשענתך המה ינחמני: ה תערך לפני שלחן נגד צררי דשנת בשמן ראשי כוסי רויה: ו אך טוב וחסד ירדפוני כל־ימי חיי ושבתי בבית־יהוה לארך ימים:

Text with Vowels

(If the text below does not display properly,
you probably need to install this font)

פרק כג

א מִזְמוֹר לְדָוִד יְהֹוָה רֹעִי לֹא אֶחְסָר: ב בִּנְאוֹת דֶּשֶׁא יַרְבִּיצֵנִי עַל־מֵי מְנֻחוֹת יְנַהֲלֵנִי: ג נַפְשִׁי יְשׁוֹבֵב יַנְחֵנִי בְמַעְגְּלֵי־צֶדֶק לְמַעַן שְׁמוֹ: ד גַּם כִּי־אֵלֵךְ בְּגֵיא צַלְמָוֶת לֹא־אִירָא רָע כִּי־אַתָּה עִמָּדִי שִׁבְטְךָ וּמִשְׁעַנְתֶּךָ הֵמָּה יְנַחֲמֻנִי: ה תַּעֲרֹךְ לְפָנַי שֻׁלְחָן נֶגֶד צֹרְרָי דִּשַּׁנְתָּ בַשֶּׁמֶן רֹאשִׁי כּוֹסִי רְוָיָה: ו אַךְ טוֹב וָחֶסֶד יִרְדְּפוּנִי כָּל־יְמֵי חַיָּי וְשַׁבְתִּי בְּבֵית־יְהֹוָה לְאֹרֶךְ יָמִים:

 
     
 
     
 
  Psalm 91  
Download Audio  
View Original Hebrew

פרק צא ללא ניקוד

א ישב בסתר עליון בצל שדי יתלונן: ב אמר ליהוה מחסי ומצודתי אלהי אבטח־בו: ג כי הוא יצילך מפח יקוש מדבר הוות: ד באברתו יסך לך ותחת כנפיו תחסה צנה וסחרה אמתו: ה לא־תירא מפחד לילה מחץ יעוף יומם: ו מדבר באפל יהלך מקטב ישוד צהרים: ז יפל מצדך אלף ורבבה מימינך אליך לא יגש: ח רק בעיניך תביט ושלמת רשעים תראה: ט כי־אתה יהוה מחסי עליון שמת מעונך: י לא־תאנה אליך רעה ונגע לא־יקרב באהלך: יא כי מלאכיו יצוה־לך לשמרך בכל־דרכיך: יב על־כפים ישאונך פן־תגף באבן רגלך: יג על־שחל ופתן תדרך תרמס כפיר ותנין: יד כי בי חשק ואפלטהו אשגבהו כי־ידע שמי: טו יקראני ואענהו עמו אנכי בצרה אחלצהו ואכבדהו: טז ארך ימים אשביעהו ואראהו בישועתי:

Text with Vowels

(If the text below does not display properly,
you probably need to install this font)

פרק צא

א ישֵׁב בְּסֵתֶר עֶלְיוֹן בְּצֵל שַׁדַּי יִתְלוֹנָן: ב אֹמַר לַיהֹוָה מַחְסִי וּמְצוּדָתִי אֱלֹהַי אֶבְטַח־בּוֹ: ג כִּי הוּא יַצִּילְךָ מִפַּח יָקוּשׁ מִדֶּבֶר הַוּוֹת: ד בְּאֶבְרָתוֹ יָסֶךְ לָךְ וְתַחַת כְּנָפָיו תֶּחְסֶה צִנָּה וְסֹחֵרָה אֲמִתּוֹ: ה לֹא־תִירָא מִפַּחַד לָיְלָה מֵחֵץ יָעוּף יוֹמָם: ו מִדֶּבֶר בָּאֹפֶל יַהֲלֹךְ מִקֶּטֶב יָשׁוּד צָהֳרָיִם: ז יִפֹּל מִצִּדְּךָ אֶלֶף וּרְבָבָה מִימִינֶךָ אֵלֶיךָ לֹא יִגָּשׁ: ח רַק בְּעֵינֶיךָ תַבִּיט וְשִׁלֻּמַת רְשָׁעִים תִּרְאֶה: ט כִּי־אַתָּה יְהֹוָה מַחְסִי עֶלְיוֹן שַׂמְתָּ מְעוֹנֶךָ: י לֹא־תְאֻנֶּה אֵלֶיךָ רָעָה וְנֶגַע לֹא־יִקְרַב בְּאָהֳלֶךָ: יא כִּי מַלְאָכָיו יְצַוֶּה־לָּךְ לִשְׁמָרְךָ בְּכָל־דְּרָכֶיךָ: יב עַל־כַּפַּיִם יִשָּׂאוּנְךָ פֶּן־תִּגֹּף בָּאֶבן רַגְלֶךָ: יג עַל־שַׁחַל וָפֶתֶן תִּדְרֹךְ תִּרְמֹס כְּפִיר וְתַנִּין: יד כִּי בִי חָשַׁק וַאֲפַלְּטֵהוּ אֲשַׂגְּבֵהוּ כִּי־יָדַע שְׁמִי: טו יִקְרָאֵנִי וְאֶעֱנֵהוּ עִמּוֹ אָנֹכִי בְצָרָה אֲחַלְּצֵהוּ וַאֲכַבְּדֵהוּ: טז אֹרֶךְ יָמִים אַשְׂבִּיעֵהוּ וְאַרְאֵהוּ בִּישׁוּעָתִי:

 
     
 
     
 
  Psalm 98  
Download Audio  
View Original Hebrew

פרק צח ללא ניקוד

א מזמור שירו ליהוה שיר חדש כי־נפלאות עשה הושיעה־לו ימינו וזרוע קדשו: ב הודיע יהוה ישועתו לעיני הגוים גלה צדקתו: ג זכר חסדו ואמונתו לבית ישראל ראו כל־אפסי־ארץ את ישועת אלהינו: ד הריעו ליהוה כל־הארץ פצחו ורננו וזמרו: ה זמרו ליהוה בכנור בכנור וקול זמרה: ו בחצצרות וקול שופר הריעו לפני המלך יהוה: ז ירעם הים ומלאו תבל וישבי בה: ח נהרות ימחאו־כף יחד הרים ירננו: ט לפני־יהוה כי בא לשפט הארץ ישפט־תבל בצדק ועמים במישרים:

Text with Vowels

(If the text below does not display properly,
you probably need to install this font)

פרק צח

א מִזְמוֹר שִׁירוּ לַיהֹוָה שִׁיר חָדָשׁ כִּי־נִפְלָאוֹת עָשָׂה הוֹשִׁיעָה־לּוֹ יְמִינוֹ וּזְרוֹעַ קָדְשׁוֹ: ב הוֹדִיעַ יְהֹוָה יְשׁוּעָתוֹ לְעֵינֵי הַגּוֹיִם גִּלָּה צִדְקָתוֹ: ג זָכַר חַסְדּוֹ וֶאֱמוּנָתוֹ לְבֵית יִשְׂרָאֵל רָאוּ כָל־אַפְסֵי־אָרֶץ אֵת יְשׁוּעַת אֱלֹהֵינוּ: ד הָרִיעוּ לַיהֹוָה כָּל־הָאָרֶץ פִּצְחוּ וְרַנְּנוּ וְזַמֵּרוּ: ה זַמְּרוּ לַיהֹוָה בְּכִנּוֹר בְּכִנּוֹר וְקוֹל זִמְרָה: ו בַּחֲצֹצְרוֹת וְקוֹל שׁוֹפָר הָרִיעוּ לִפְנֵי הַמֶּלֶךְ יְהֹוָה: ז יִרְעַם הַיָּם וּמְלֹאוֹ תֵּבֵל וְישְׁבֵי בָהּ: ח נְהָרוֹת יִמְחֲאוּ־כָף יַחַד הָרִים יְרַנֵּנוּ: ט לִפְנֵי־יְהֹוָה כִּי בָא לִשְׁפֹּט הָאָרֶץ יִשְׁפֹּט־תֵּבֵל בְּצֶדֶק וְעַמִּים בְּמֵישָׁרִים:

 
     
 
     
 
  Psalm 110  
Download Audio  
View Original Hebrew

פרק קי ללא ניקוד

א לדוד מזמור נאם יהוה לאדני שב לימיני עד־אשית איביך הדם לרגליך: ב מטה עזך ישלח יהוה מציון רדה בקרב איביך: ג עמך נדבת ביום חילך בהדרי־קדש מרחם משחר לך טל ילדתיך: ד נשבע יהוה ולא ינחם אתה־כהן לעולם על־דברתי מלכי־צדק: ה אדני על־ימינך מחץ ביום־אפו מלכים: ו ידין בגוים מלא גויות מחץ ראש על־ארץ רבה: ז מנחל בדרך ישתה על־כן ירים ראש:

Text with Vowels

(If the text below does not display properly,
you probably need to install this font)

פרק קי

א לְדָוִד מִזְמוֹר נְאֻם יְהֹוָה לַאדֹנִי שֵׁב לִימִינִי עַד־אָשִׁית אֹיְבֶיךָ הֲדֹם לְרַגְלֶיךָ: ב מַטֵּה עֻזְּךָ יִשְׁלַח יְהֹוָה מִצִּיּוֹן רְדֵה בְּקֶרֶב אֹיְבֶיךָ: ג עַמְּךָ נְדָבֹת בְּיוֹם חֵילֶךָ בְּהַדְרֵי־קֹדֶשׁ מֵרֶחֶם מִשְׁחָר לְךָ טַל יַלְדֻתֶיךָ: ד נִשְׁבַּע יְהֹוָה וְלֹא יִנָּחֵם אַתָּה־כֹהֵן לְעוֹלָם עַל־דִּבְרָתִי מַלְכִּי־צֶדֶק: ה אֲדֹנָי עַל־יְמִינְךָ מָחַץ בְּיוֹם־אַפּוֹ מְלָכִים: ו יָדִין בַּגּוֹיִם מָלֵא גְוִיּוֹת מָחַץ רֹאשׁ עַל־אֶרֶץ רַבָּה: ז מִנַּחַל בַּדֶּרֶךְ יִשְׁתֶּה עַל־כֵּן יָרִים רֹאשׁ:

 
     
 
     
 
  Psalm 137  
Download Audio  
View Original Hebrew

פרק קלז ללא ניקוד

א על־נהרות בבל שם ישבנו גם־בכינו בזכרנו את־ציון: ב על־ערבים בתוכה תלינו כנרותינו: ג כי שם שאלונו שובינו דברי־שיר ותוללינו שמחה שירו לנו משיר ציון: ד איך נשיר את־שיר יהוה על אדמת נכר: ה אם־אשכחך ירושלם תשכח ימיני: ו תדבק־לשוני לחכי אם־לא אזכרכי אם־לא אעלה את־ירושלם על ראש שמחתי: ז זכר יהוה לבני אדום את יום ירושלם האמרים ערו ערו עד היסוד בה: ח בת־בבל השדודה אשרי שישלם־לך את־גמולך שגמלת לנו: ט אשרי שיאחז ונפץ את־עלליך אל־הסלע:

Text with Vowels

(If the text below does not display properly,
you probably need to install this font)

פרק קלז

א עַל־נַהֲרוֹת בָּבֶל שָׁם יָשַׁבְנוּ גַּם־בָּכִינוּ בְּזָכְרֵנוּ אֶת־צִיּוֹן: ב עַל־עֲרָבִים בְּתוֹכָהּ תָּלִינוּ כִּנֹּרוֹתֵינוּ: ג כִּי שָׁם שְׁאֵלוּנוּ שׁוֹבֵינוּ דִּבְרֵי־שִׁיר וְתוֹלָלֵינוּ שִׂמְחָה שִׁירוּ לָנוּ מִשִּׁיר צִיּוֹן: ד אֵיךְ נָשִׁיר אֶת־שִׁיר יְהֹוָה עַל אַדְמַת נֵכָר: ה אִם־אֶשְׁכָּחֵךְ יְרוּשָׁלָם תִּשְׁכַּח יְמִינִי: ו תִּדְבַּק־לְשׁוֹנִי לְחִכִּי אִם־לֹא אֶזְכְּרֵכִי אִם־לֹא אַעֲלֶה אֶת־יְרוּשָׁלַם עַל רֹאשׁ שִׂמְחָתִי: ז זְכֹר יְהֹוָה לִבְנֵי אֱדוֹם אֵת יוֹם יְרוּשָׁלָם הָאֹמְרִים עָרוּ עָרוּ עַד הַיְסוֹד בָּהּ: ח בַּת־בָּבֶל הַשְּׁדוּדָה אַשְׁרֵי שֶׁיְשַׁלֶּם־לָךְ אֶת־גְּמוּלֵךְ שֶׁגָּמַלְתְּ לָנוּ: ט אַשְׁרֵי שֶׁיֹּאחֵז וְנִפֵּץ אֶת־עֹלָלַיִךְ אֶל־הַסָּלַע: